ბრიტანეთის საგარეო საქმეთა მინისტრმა საკუთარ თავს რუსოფილი უწოდა. ბორის ჯონსონი სიტყვით პარლამენტის წინაშე გამოვიდა. გაერთიანებული სამეფოს პირველმა დიპლომატმა მოსკოვი და დამასკო ალეპოს მშვიდობიანი მოსახლეობის დაბომბვაში კიდევ ერთხელ დაადანაშაულა და ახალი სანქციებით დაიმუქრა. „სირიის საკითხზე ჩვენ სამი მიმათულებით ვმუშაობთ. ესაა: ალეპოში ჰუმანიტარული დახმარების შეტანა, ასადისა და მისი მეკავშირეებისთვის დამატებითი სანქციების დაწესება და ძალისმიერი ქმედებები, რასაც ძალიან დიდი სიფრთხილით უნდა მივუდგეთ,“-აღნიშნა ჯონსონმა.
