გაეროში დღეს სირიის საკითხთან დაკავშირებით კიდევ ერთხელ იმსჯელებენ. უშიშროების საბჭოს სხდომა რუსეთის ინიციატივით ჩატარდება, რის შემდეგაც საგანგებო ბრიფინგს გაეროს სპეციალური წარმომადგენელი სირიის საკითხში სტეფან დე მისტურა გამართავს. როგორც გაეროს კომისარი აცხადებს, ის მზადაა ნუსრას ფრონტის მებრძოლები ალეპოდან პირადად გაიყვანოს, თუ ისლამისტები ამაზე დათანხმდებიან. მათთვის უსაფრთხოების უზრუნველყოფას დე მისტურა საკუთარ თავზე იღებს.
