თურქეთი ჩრდილოეთ სირიაში სამხედრო ოპერაციას განაგრძობს. ბოლო 24 საათის განმავლობაში თურქებმა ისლამური სახელმწიფოს პოზიციები 18-ჯერ დაბომბეს. საარტილერიო დარტყმების შედეგად 15 სტრატეგიული სამიზნე განადგურდა. დაზუსტებული ინფორმაცია მსხვერპლის შესახებ ჯერჯერობით არ გავრცელებულა. ოპერაცია, სახელწოდებით „ევფრატის ფარი“ თურქეთმა ჩრდილოეთ სირიაში 24 აგვისტოს დაიწყო.
