პოლონეთის პარლამენტმა აბორტების სრულად აკრძალვის ინიციატივას მხარი არ დაუჭირა. კანონპროექტის წინააღმდეგ ხმა 450-დან 345-მა დეპუტატმა მისცა. კენჭისყრა სეიმში მასშტაბური საპროტესტო აქციების ფონზე ჩატარდა. შავებში ჩაცმულმა ათასობით ქალმა პარლამენტის წინ ხმაურიანი აქცია მოაწყო. კანონპროექტი აბორტების სრულად აკრძალვას და კანონდამრღვევების პატიმრობაში მიცემას ითვალისწინებდა. კათოლიკურმა ეკლესიამ თავდაპირველად ინიციატივას მხარი დაუჭირა, თუმცა პატიმრობის მუხლს არ დაეთანხმა.
