საერთო სამუშაო სივრცის საერთაშორისო ბრენდი Impact Hub-ი ამიერიდან  საქართველოშიც იმუშავებს. Impact Hub Tbilisi გლობალური ქსელის სრულფასოვანი წევრი გახდა. მულტიფუნქციური და მოქნილი ინფრასტრუქტურით, ჰაბი იქნება საუკეთესო ადგილი მუშაობისთვის, შეხვედრებისთვის, ცოდნის მისაღებად თუ საინტერესო კავშირების დასამყარებლად. აქ თავს მოიყრიან აქტიური, ენერგიული, მოტივირებული და სიახლეების მოყვარული ადამიანები.  ჰაბი უმასპინძლებს საინტერესო ღონისძიებებს, სასწავლო პროგრამებს, დისკუსიებსა თუ პრეზენტაციებს. პოზიტიური ცვლილებების განხორციელების მიზნით, Impact Hub Tbilisi ხელს შეუწყობს აქტუალური და პრობლემატური საკითხების წამოწევას. 

6 ოქტომბერს, 17:00 საათზე, Impact Hub-ში (ნინოშვილის ქუჩა #8, Fabrika) გაიმართება პანელდისკუსია „ეკოსისტემების შექმნა მდგრადი სოციალური ცვლილებისთვის“. ქართველი და უცხოელი ექსპერტები ისაუბრებენ  სოციალური მეწარმეობის ეკოსისტემის შესახებ საქართველოში. ასევე, წარმატებული ქართველი სოციალური მეწარმეები გამართავენ პრეზენტაციებს მათი საქმიანობის შესახებ. 

ღონისძიება ტარდება საერთაშორისო MitOst ფესტივალის ფარგლებში, საქართველოს სტრატეგიული კვლევებისა და განვითარების ცენტრთან თანამშრომლობით.

ასევე, MitOst ფესტივალის ეგიდით, Impact Hub-ში, 7 ოქტომბერს, 16:00 საათზე გაიმართება პანელ-დისკუსია სახელწოდებით „ინკლუზიური ქალაქები: ურბანული საჯარო სიკეთე“.