იტალიის სანაპიროებთან 1800-მდე მიგრანტი დაღუპვას გადაარჩინეს. სამაშველო ოპერაცია მას შემდეგ დაიწყო, რაც სანაპიროს დაცვის სამსახურმა ზღვაში 15-მდე ნავი აღმოაჩინა. მაშველთა მცდელობის მიუხედავად, ყველა ლტოლვილის გადარჩენა ვერ მოხერხდა. დაღუპულთა შორის ბავშვებიც არიან. იტალიის სანაპიროებს კიდევ რამდენიმე ნავი უახლოვდება, რომლებიც მიგრანტებით არის დატვირთული. მათ დასახმარებლად სპეციალური სამაშველო ჯგუფები გამოიყო.
