ავსტრიის ნაკრების კარში გატანილი ბრწყინვალე გოლის შემდეგ ევროპულ კლუბებში ჯანო ანანიძის მიმართ ინტერესი გაიზარდა.
რადიოსადგურ Cadena Ser-ის ინფორმაციით, ქართველ ფეხბურთელის შეძენა "დეპორტივოს", "ესპანიოლსა" და "ვილიარეალს" სურს.
ამავე წყაროს თანახმად, ესპანური კლუბების წარმომადგენლები ანანიძეს "სპარტაკისა" და ეროვნული ნაკრების ბოლო მატჩებზე დააკვირდნენ. მიმდინარე სეზონში ჯანომ მოსკოვის "სპარტაკის" შემადგენლობაშიც ულამაზესი გოლები გაიტანა.
"სპარტაკთან" ხელშეკრულების ვადა ჯანოს მალე უთავდება.
