რუსი ბიზნესტურისტებისათვის საქართველოს საუკეთესო მიმართულებების „TOP-5“-შია. როგორც გამოცემა „ყაზინფორმი“ წერს, რუსი ბიზნესტურისტებისათვის ნომერ პირველი მიმართულება ყაზახეთია. შემდეგ მოდის უკრაინა და უზბეკეთი. ბელარუსი უკვე მესამე წელია მეოთხე პოზიციაზეა. ხოლო რაც შეეხება მეხუთე ადგილს, მას ამჯერად საქართველო იკავებს.
რეიტინგიც და დასკვნაც საქმიანი ტურიზმის კლუბის „აეროკლუბის“ ექსპერტებს ეკუთვნის.
მათი განმარტებით, ბოლო პერიოდში ფარმაცევტული კომპანიების მიერ მეზობელ ქვეყნებზე მოთხოვნა გაორმაგდა, რამაც უზრუნველყო სტაბილურ ფრენებზე მოთხოვნა ყაზახეთის, საქართველოს და სომხეთის მიმართულებით.
