Hyundai Motor-ი საქართველოში რუსეთის ქარხანაში დამზადებულ ავტომობილებს შემოიყვანს. ამის შესახებ ინფორმაცია რუსეთის იმპორტის სამინისტრომ გაავრცელა. განცხადებაში აღნიშნულია, რომ Hyundai Motor-ის რუსეთის ქარხნის საექსპორტო ბაზრებს საქართველო და ტუნისი შეემატება.
ამასთან, აგვისტოს ბოლოდან ტუნისში რუსეთიდან Hyundai Solaris-ი, საქართველოში კი, Hyundai Accent და Hyundai Creta შემოვა.
ქარხანაში წარმოებული ავტომობილები რუსეთის მეზობელ ქვეყნებში 2011 წლის მაისიდან გადის ექსპორტზე, ახლო აღმოსავლეთში კი, 2015 წლის აგვისტოდან. 2016 წლის 6 თვეში ქარხნიდან ექსპორტზე 2,5 ათასი ავტომობილი გავიდა, მათ შორის 1,4 ათასი ახლო აღმოსავლეთში.
