ნაციონალური მოძრაობის წევრები სამეგრელოს გუბერნატორს კორუფციულ გარიგებებში ადანაშაულებენ. ბრალდების დეტალებზე პარტიის დეპუტატობის კანდიდატმა ლელა ქებურიამ ისაუბრა. მისი მტკიცებით, ცოტა ხნის წინ დევნილებისთვის ფულის გამოძალვის გამო დაკავებული მაია ბეჭვაია, გუბერნატორის მეგობარია. ის 2000 დოლარს დევნილებს საცხოვრებელი ბინის მომლოდინეთა სიაში ჩასმის პირობით სთხოვდა.
ნაციონალური მოძრაობის წევრის განცხადებით, სამართალდამცველებს ფარული ჩანაწერი აქვთ, სადაც დაკავებული მაია ბეჭვაია მოქალაქეს სწორედ გუბერნატორ ლევან შოანიას სახელით ურიგდება.
ბრალდებას დღეს გუბერნატორის ადმინისტრაციიდან გამოეხმაურნენ. პაატა ლაგვილავა გავრცელებულ ფაქტს უარყოფს და ამბობს, რომ ეს არის გუბერნატორის საქმიანი იმიჯის შელახვის მცდელობა.
