ტრისტან წითელაშვილის საიდუმლო ობიექტებზე დაშვების საკითხს უშიშროების საბჭოც სწავლობს, - ამის შესახებ პრეზიდენტის ადმინისტრაციის ხელმძღვანელმა გიორგი აბაშიშვილმა განაცხადა. მისივე თქმით, პრეზიდენტს ამ კონკრეტულ შემთხვევასთან დაკავშირებით ინფორმაცია საერთოდ არ ჰქონია.
"ძალიან დასანანია, რომ აღნიშნულ საკითხთან დაკავშირებით პრეზიდენტი საქმის კურსში საერთოდ არ იყო ჩაყენებული. რაც შეეხება შემდგომ, უშიშროების საბჭოს გამოთხოვილი აქვს დეტალური ინფორმაცია აღნიშნულ საკითხზე"- განაცხადა გიორგი აბაშიშვილმა.
