საკონსტიტუციო სასამართლოს თავმჯდომარე გიორგი პაპუაშვილი აცხადებს, რომ მთავარ პროკურორთან საუბარი კონსტრუქციულ რეჟიმში წარიმართა და ირაკლი შოთაძემ პირადად აიღო პასუხისმგებ;ობა მოსამართლეების შანტაჟთან დაკავშირებით საქმის გამოძიებაზე.
,,გვქონდა საკმაოდ ნაყოფიერი შეხვედრა, ღიად ვისაუბრეთ იმ საკითხებთან დაკავშირებით, რომელიც ეხება გამოძიებას. ასევე იმას, თუ რასთან არის დაკავშირებული ჩვენი ეჭვი და კითხვის ნიშნები გამოძიების ობიექტურობასთან მიმართებაში. მისგან იყო მიდგომა, რომ ის პირადად იღებს პასუხისმგებლობას გამოძიება ობიექტურად წარიმართოს. მეორე მხრივ, მოსამართლეებმა, რომლებმაც ამ საქმესთან დაკავშირებით გარკვეული ინფორმაცია მიაწოდეს გამოძიებას, მათი ოჯახის წევრების ან ახლობლების მიმართ შურისძიების მხრივ საშიშროება არ იქნება. ჩვენ შევთანხმდით, რომ პიდად გვექნება კონტაქტი. ასევე დავაყენე პრეტენზიები, რაც ჩვენ გვქონდა იმასთან მიმართებაში, რომ ჯერ კიდევ წელიწადნახევრის წინ, როდესაც იყო ზეწოლის ფაქტებზე საუბარი, მივმართეთ შს მინისტრ ვახტანგ გომელაურს, მთავარ პროკურორ გიორგი ბადაშვილს და ასევე აჭარის პროკურატურას, თუმცა არანაირი რეაგირება არ ყოფილა“, - განაცხადა პაპუაშვილმა მთავარ პროკურორთან შეხვედრის დასრულების შემდეგ.
