თურქეთის ხელისუფლება ვარაუდობს, რომ ფეთჰულა გიულენმა აშშ-ის ტერიტორია დატოვა. თურქეთის იუსტიციის მინისტრმა ბექირ ბოზდაგმა განაცხადა, რომ ამის შესახებ თურქეთის ხელისუფლებამ შესაბამისი სადაზვერვო ინფორმაცია მიიღო.
მინისტრის განცხადებით, გიულენი შესაძლოა ავსტრალიაში, მექსიკაში, კანადაში, სამხრეთ აფრიკასა ან ეგვიპტში გაიქცა. ამასთან, ოფიციალური ქაირო აცხადებს, რომ გიულენს ეგვიპტისთვის თავშესაფარი არ უთხოვია.
1999 წლიდან პენსილვანიაში მცხოვრებ ფეთჰულა გიულენს ანკარა სამხედრო გადატრიალების მცდელობის ორგანიზატორად მიიჩნევს და ვაშინგტონს მის ექსტრადირებას სთხოვს. თუმცა თავად მუსლიმი ღვთისმსახური ბრალდებებს კატეგორიულად უარყოფს.
