,,ქართული ოცნების“ ერთ-ერთი ლიდერი გია ვოლსკი საკონსტიტუციო სასამართლოს თავმჯდომარის გიორგი პაპუაშვილის ქმედებებს ,,ნაციონალური მოძრაობის“ დაუკმაყოფილებელ სარჩელს უკავშირებს. მისი ვარაუდით, პაპუაშვილის ბრალდებები ასევე “ოდესიდან მიღებული ინსტრუქციების შეუსრულებლობას უკავშირდება“.
.
“20 ივლისს საკონსტიტუციო სასამართლომ, ძალიან მცირე უპირატესობით, გამოიტანა გადაწყვეტილება იმის თაობაზე, რომ არ დაკმაყოფილებულიყო “ნაციონალური მოძრაობის“ სარჩელი, ამით ჩვენ გადავრჩით პოლიტიკურ ქაოსს. სწორედ ამის შემდეგ გიორგი პაპუაშვილმა გადაწყვიტა, რომ ჩრდილი მიაყენოს პროკურატურას, სახელმწიფო სტრუქტრურებს, პრემიერ-მინისტრს, ვისაც გუშინ შეხვდა და ამით ხაზი გაუსვა, რომ თითქოს ამ საკითხეზე პრემიერ-მინისტრია გადაწყეტილების მიმღები. მოვლენების მთელი ჯაჭვია. მე არ მაქვს იმედი, რომ პროკურატურის მიერ საკითხის შესწავლასა და შედეგებს ასე ადვილად დაეთანხმებიან. არც იმის ხედვა არსებობს, რომ საკონსტიტუციო სასამართლოს ის ოთხი მოსამართლე, რომელიც საქართველოში ქაოტური მდგომარეობის შექმნას უჭერდა მხარს, ამ პროცესში გარკვეულ შტრიხებს შეიტანენ და გამოძიებისთვის გარკვეულ სირთულეებს შექმნიან. ასეა თუ ისე, პროკურატურა არის ერთადერთი გარანტი იმისა, რომ საზოგადოებას ექნება ზუსტი პასუხი, რასთან გვაქვს საქმე“, - აღნიშნავს ვოლსკი.
გიორგი პაპუაშვილი პრეზიდენტთან და პრემიერ-მინისტრთან გამართული შეხვედრის შემდეგ, დღეს მთავარ პროკურორს შეხვდება.
