ნიცის ტერაქტის ორგანიზებაში თანამონაწილეობისთვის საფრანგეთში სასამართლომ ხუთ ეჭვმიტანილს ბრალი წარუდგინა. დაკავებულებს შორის 4 მამაკაცი და ერთი ქალია. გამოძიების ინფორმაციით, ისინი სატვირთოს მძღოლს მუჰამედ ბოულელს ლოგისტიკურ საკითხებში ეხმარებოდნენ და თავდასხმებს თვეების მანძილზე გეგმავდნენ.
ფრანგი პროკურორის ფრანსუა მოლინსის თქმით, ერთ-ერთი ეჭვმიტანილი მეორე დღეს შემთხვევის ადგილზე დაბრუნდა და ტერაქტის შედეგებს იღებდა.
საფრანგეთში ასევე მიმდინარეობს გამოძიება, ტერაქტის დღეს, სამართალდამცავთა მოქმედების შესახებ.
ნიცაში 14 ივლისის მომხდარ ტერაქტს 84 ადამიანი ემსხვერპლა.
