ინდოეთის სამხედრო-სატრანსპორტო თვითმფრინავი AN-32 ბენგალის ყურეში დაიკარგა. ,,ბიბისის“ ინფორმაციით, ლაინერის ბორტზე 20-ზე მეტი ადამიანი იმყოფებოდა. თვითმრინავს სამხედროები ქალაქ ჩენაიდან ანდამანის კუნძულზე გადაჰყავდა, სადაც ინდოეთის ერთ-ერთი სამხედრო ბაზაა განთავსებული.
ადგილობრივმა ხელისუფლებამ სამძებრო ოპერაციები დაიწყო, რომელშიც თვითმფრინავები და გემები იღებენ მონაწილეობას.
სამხედრო-სატრანსპორტო თვითმფრინავი AN-32_მა პირველი ფრენა 1970 წელს განახორციელა. ინდოეთის შეიარაღებულ სამხედრო-საფრენ ბაზაზე 100_მდე ასეთი თვითმფრინავია.
