აშშ-ის პრეზიდენტობის ოფიციალური კანდიდატი დონალდ ტრამპი აცხადებს, რომ თურქეთის ლიდერს კანონის უზენაესობის დაცვისა თუ დასავლური სამართლიანობის სტანდარტებისკენ არ მოუწოდებდა . New York Times-თან ინტერვიუში თურქეთში მიმდინარე მოვლენებზე საუბრისას მან აღნიშნა, რომ აფასებს ერდოღანის ქმედებებს.
“მე დიდად ვაფასებ ერდოღანის ქმედებებს, მან შეძლო და სახელმწიფო გადატრიალების მცდელობა შეაჩერა. ზოგი ამბობს, რომ ეს დადგმული იყო, თუმცა, მე ასე არ ვფიქრობ” – აღნიშნა ტრამპმა.
გამოცემასთან ინტერვისი ტრამპმა თქვა, რომ აშშ ნატოს წევრ ქვეყნებს მხოლოდ გარკვეული პირობებით უნდა ეხმარებოდეს. კერძოდ კი, პრეზიდენტობის შემთხვევაში ის ჯერ გაარკვევდა ნატოს წევრმა ქვეყანამ სრულად შეასრულა თუ არა საკუთარი ვალდებულებები.
რაც შეეხება სირიის მოვლენებს, ტრამპი მიიჩნევს, რომ ბაშარ ალ ასადის რეჟიმი ნაკლებ პრიორიტეტული საკითხი იყო ვიდრე ისლამურ სახელმწიფოსთან ბრძოლა.
დონალდ ტრამპი რესპუბლიკური პარტიის პრეზიდენტობის კანდიდატად ოფიციალურად დასახელდა. პარტიის ყრილობაზე მან დელეგატების უმრავლესობის მხარდაჭერა მოიპოვა. 8 ნოემბერს დაგეგმილ არჩევნებში, ამერიკელი მილიარდერი ყოფილ სახელმწიფო მდივანს, ჰილარი კლინტონს დაუპირისპირდება, რომელიც დემოკრატიულ პარტიას ოფიციალურად ჯერ არ წარუდგენია. რესპუბლიკური პარტიის ყრილობა საპროტეტსო აქციის ფონზე, დონალდ ტრამპის დაპირება და მეტოქის პასუხი.
