,,ტერორისტები ადგილზე უნდა განადგურდნენ, რატომ უნდა ვკვებო ისინი წლების განმავალობაში ციხეებში?“, - განაცხადა თურქეთის პრეზიდენტმა CNN-სთვის მიცემულ ინტერვიუში. რეჯეფ თაიფ ერდოღანი სრულიად შესაძლებლად მიიჩნევს, რომ ის ათასობით ადამიანი, რომლებიც სახელმწიფო გადატრიალების მცდელობაში მონაწილეობისთვის დააკავეს, სიკვდილით დაისაჯოს. მისი თ ქმით, ,,ადამიანებს სურთ, რომ ყველაფერი სწრაფად დასრულდეს, რადგან მათ ახლობლები დაკარგეს”.
პრეზიდენტმა ასევე აღნიშნა, რომ სიკვდილით დასჯის შემოსაღებად საჭირო იქნება პარლამენტის გადაწყვეტილება კონსტიტუციაში ცვლილების შესატანად.
ერდორანის განცხადებას სიკვდილის დასჯის შესაძლო აღდგენასთან დაკავშირებით ეხმაურებიან ადვოკატები. უფლებადამცველები ამბობენ, რომ მათთვის მთავრობის ინიციატივა მიუღებელია, რადგან როგორც ადვოკატები ამბობენ, სიკვდილის დასჯის აღდგენა არსებულ ვითარებაში პოლიტიკური საკითხია.
„სიკვდილით დასჯა არსებულ სიტუაციაში პოლიტიკური საკითხია. ზოგადად ახალ სასჯელს ძველი დანაშაულისთვის ვერ შემოიღებ. მაგრამ, დღეს განსაკუთრებული სიტუაციაა და ყველაფერი შეიძლება მოხდეს. განსაკუთრებული სიტუაცია ნიშნავს განსაკუთრებული იდეების წარმოჩენას და ახალი კანონების მიღებასა და სასჯელის შემოღებასაც. გარკვეული პერიოდის შემდეგ ამის გაკეთება უფრო მარტივი იქნება,“- განაცხადა ადვოკატმა აბდულა მითაიდიმ.
