ყაზახეთის ქალაქ ალმა-ატაში შეიარაღებული თავდასხმა განხორციელდა. დაიღუპა სულ მცირე 3 ადამიანი, მათ შორის 2 სამართალდამცველი. ამ დროისთვის ალმა-ატაში გამოცხადებულია „ტერორისტული საფრთხის წითელი დონე“, დაწყებულია ანტიტერორისტული ოპერაცია.
ხელისუფლება მოსახლეობას მოუწოდებს, გარეთ გასვლისგან თავი შეიკავოს.
ყაზახეთის ეროვნული უშიშროების კომიტეტში იტყობინებიან, რომ თავდასხმა ქალაქის პოლიციის რაიონულ განყოფილებასა და ეროვნული უშიშროების კომიტეტის დეპარტამენტზე განხორციელდა.
თავდასხმის ერთ-ერთი მონაწილე დაკავებულია, მეორე ძებნაშია გამოცხადებული.
7 დაშავებული სამართალდამცველი რეანიმაციაშია გადაყვანილი.
