შოტლანდიის პირველი მინისტრი ნიკოლა სტერჟენი აცხადებს, რომ შოტლანდიის დამოუკიდებლობასთან დაკავშირებით რეფერენდუმი სავარაუდოს, 2017 წლის პირველ ნახევარში გაიმართება. ,,ბიბისისთან“ ინტერვიუში მან აღნიშნა, რომ ეს შესაძლებელი გახდება, თუკი დიდი ბრიტანეთის ხელისუფლება დაიწყებს ევროკავშირიდან გამოსვლის პროცესს შოტლანდიის ინტერესების გათვალისწინების გარეშე.
სტერჟენის თქმით, შოტლანდიას შეუძლია დარჩეს როგორც გაერთიანებული სამეფოს, ასევე ევროკავშირის რიგებში, თუნდაც ბრიტანეთმა დატოვოს ევროკავშირი.
თუმცა, ევროკავშირის რამდენიმე წევრმა ქვეყანამ უკვე განაცხადა, რომ წინააღმდეგი არიან ბრიუსელსა და ედინბურგს შორის შოტლანდიის ევროკავშირში დარჩენასთან დაკავშირებით მოლაპარაკებებზე.
ბრიტანეთის ახალი პრემიერ-მინისტრი ტერეზა მეი ედინბურგს 15 ივლისს სტუმრობდა, სადაც ,,ბრეკსიტის“ საკითხი განიხილეს.
