ე.წ სამხრეთ ოსეთის დროებითი ადმინისტრაციის თავმჯდომარემ დიმიტრის სანაკოევმა და აფხაზეთის ავტონომიური რესპუბლიკის ლეგიტიმური მტავრობის თავმჯდომარემ გიორგი ბარამიამ ოკუპირებულ ტერიტორიებზე მცხოვრებ მოსახლეობას საქართველოს დამოუკიდებლობის დღე მიულოცა.
"განწყობა მაქვს საზეიმო, რადგან დღეს აღვნიშნვათ ქვეყნის დამოუკიდებლობის დღეს. მინდა ქართველ ხალხს მივულოცო, განსაკუთრებით კი, რუსეთის ჯარების მიერ ოკუპირებნულ ტერიტორიაზე მცხოვრებ მოსახლეობას.", - განაცხადა დიმიტრი სანაკოევმა.
მისი თქმით, ერთად დგომის შემთხვევაში საზოგადეობა მშვიდობიანი გზით ყველაფერს მიაღწევს.
"საქართველომ კიდევ ერთხელ დაანახა ყველას, რომ შეუძლია მშვიდობიანი გზით საკუთარი თავის და მოსახლეობის დაცვა", - განაცხადა სანაკოევმა.
ამასთან, მოსახლეობას დამოუკიდებლობის დღე აფხაზეთის ავტონომიური რესპუბლიკის მთავრობის თავმჯდომარემ გიორგი ბარამიამაც მიულოცა.
მან იმედი გამოთქვა, რომ მალე დადგება ის დღე, როცა დამოუკიდებლობის დღის აღსანიშნავი აღლუმი აფხაზეთშიც ჩატარდება, რომელიც ამჟამად ოკუპირებულია.
