საქართველოს პარლამენტმა პირველი მოსმენით სისხლის სამართლისა და საარჩევნო კოდექსში შესატანი ცვლილებები მიიღო.
ცვლილებებს, რომლის მიზანიც წინასაარჩევნო კამპანიისა და არჩევნების მიმდინარეობისას ძალადობის პრევენციაა, მხარი 79 დეპუტატმა დაუჭირა, წინააღმდეგი ხმა არავის მიუცია.
სისხლის სამართლის კოდექსს ემატება ახალი – 162 მუხლი, რომლის მიხედვითაც ძალადობა და ძალადობის მუქარა კენჭისყრის შენობაში, წინასაარჩევნო აგიტაციის ან კამპანიის ღონისძიებების დროს, სხვადასხვა გარემოებების გათვალისწინებით 2-დან 5 წლამდე ვადით დაისჯება.
ცვლილებები ითვალისწინებს საარჩევნო უბნის პერიმეტრზე საარჩევნო კომისიის თავმჯდომარის მოთხოვნის გარეშე პოლიციის ყოფნას.
ცვლილებების ინიციატორი იუსტიციის სამინისტროა.
