კორცხელის ინციდენტი იყო გაკვეთილი საქართველოს ხელისუფლებისთვის, რომ მსგავსი რამ არგანმეორდეს - ასე ეხმაურება საქართველოს სახალხო დამცველი უჩა ნანუაშვილი პრემიერმინისტრის პოლიტიკური ქცევის კოდექსის შემოღებასთან დაკავშირებით გამოთქმულ ინიციატივას.
ნანუაშვილი ამბობს, რომ აუცილებელია მაქსიმალური კონტროლი, რათა პოლიციამ მოახდინოს ადეკვატური რეაგირება ძალადობისა და ზეწოლის ფაქტებზე.
„აუცილებელია მაქსიმალური კონტროლი განხორციელდეს, რომ პოლიციამ ადეკვატური რეაგირება მოახდინოს ნებისმიერი ძალადობის, უფლება დარღვევის ფაქტზე. თუ არ მოხდება ასეთი რეაგირება, ეს იქნება ერთგვარი სიგნალი იმისა, რომ წახალისება ხდება. ვფიქრობ, კორცხელის ინციდენტი იყო გაკვეთილი საქართველოს ხელისუფლებისთვის, რომ მსგავსი რამ არ განმეორდეს”, - აცხადებს უჩა ნანუაშვილი.
