„ნაციონალურმა მოძრაობამ“ საგარეჯოში, საქართველოს პარლამენტის მაჟორიტარი დეპუტატობის კანდიდატად ზურაბ ჭიაბერაშვილი წარადგინა.
ჭიაბერაშვილმა მოსახლეობას “ნაციონალური მოძრაობის“ მხარდაჭერისკენ მოუწოდა და პრობლემების მოგვარებას დაჰპირდა.
„დასაქმება ჩვენი მთავარი პრიორიტეტია და პროგრამა მიმართული იქნება იმაზე, რომ ამოძრავდეს ეკონომიკა და დავასრულოთ ივანიშვილის უძრაობის ხანა. როგორც კი მოვალთ ხელისუფლებაში, ავამუშავებთ ეკონომიკას,ხალხი დასაქმდება და ოჯახებს შემოსავალი გაუჩნდებათ. საგარეჯოში სერიოზული პრობლემაა წყალი და შიდა გზები. ჩვენ ყველაფერს გავაკეთებთ, რათა უკეთსი ცხოვრება მოვიდეს საგარეჯოში და მთელს ქვეყანაში“, - განაცხადა ჭიაბერაშვილმა.
