პარლამენტის ვიცე-სპიკერი მანანა კობახიძე პრეზიდენტის მიერ უზენაესი სასამართლოს მოსამართლეებად წარდგენილი სამი კანდიდატის ჩაგდების ფაქტს ეხმაურება და აცხადებს, რომ პრეზიდენტს თავიდანვე მეტი კომუნიკაციის დამყარება შეეძლო საპარლამენტო უმრავლესობასთან.
კობახიძის შეფასებით, ,,საქმეს არ წაადგება“ გიორგი აბაშიშვილის განცხადებაც, რომლის თანახმადაც, პარლამენტმა ვერ მოახერხა მურუსიძე შეეცვალა დოლიძით.
"შესაძლებელია უფრო მეტი კომუნიკაცია და კოორდინაცია თავიდანვე ალბათ უფრო საჭირო იყო პრეზიდენტის მხრიდანაც. არ შეიძლება საქართველოს ქვეყნის პრეზიდენტი ეთანამშრომლებოდეს ყველას, ესაუბრებოდეს ყველას, არასაპარლამენტო, საპარლამენტო ოპოზიციას, ექსპერტებს, სამოქალაქო საზოგადოებას, გარდა საპარლამენტო უმრავლესობისა, "ქართული ოცნებისა","- განაცხადა მანანა კობახიძემ.
საპარლამენტო უმრავლესობაში აღნიშნავენ, რომ გიორგი მარგველაშვილს აქვს უფლება, ხელახლა წარმოადგინოს იგივე კანდიდატურები.
