"ლეიბორისტების" ლიდერმა, შალვა ნათელაშვილმა გადაცემა "არჩევანში" განაცხადა, რომ 2016 წლის 8 ოქტომბრის საპარლამენტო არჩევნებზე ხალხი ივანიშვილის ხელისუფლებას ხმას აღარ მისცემს.
“მე შემიძლია, დავარწმუნო ბიძინა ივანიშვილი, საქართველოს დირექტორი, თუ ბატონი, თუ რაც ქვია, 95 დეპუტატი კი არა, 50 და 40 დეპუტატიც კი რომ გაიყვანო ამის რესურსიც არ გაქვს. თუ ეცდები არჩევნების გაყალბების გზით დარჩე ხელისუფლებაში, მაშინ შენი სასახლიდან ერთი შუშა არ დარჩება მთელი. ამ რევოლუციას არ დასჭირდება არც ამერიკა, არც ბრაზილია, არც სინგაპური, არც პოლიტიკური პარტია და არც "რუსთავი 2", ისე ამოუხვედი ხალხს ყელში",- განაცხადა ნათელაშვილმა
