ყოფილმა პრემიერ-მინისტრმა ბიძინა ივანიშვილმა „ტექნოპარკში“, ტელევიზიის ჟურნალისტებთან შეხვედრაზე განაცხადა, რომ კორცხელის ინციდენტი იყო სამარცხვინო და მომხდარზე პასუხისმგებლობას მმართველ გუნდს და მთავრობას აკისრებს.
ივანიშვილის განცხადებით მომხდარი დაპირისპირებით ყველაზე მეტად სახელმწიფო დაზარალდა. ივანიშვილი მიიჩნევს, რომ მმართველმა გუნდმა ყველაფერი უნდა გააკეთოს იმისთვის, რომ მსგავსი ფაქტი აღარ განმეორდეს, აქვე ივანიშვილი აცხადებს, რომ ეს იყო ნაციონალური მოძრაობის მხრიდან კარგად დაგეგმილი პროვოკაცია.
"კორცხელში მთავრობამ წააგო არჩევნები, ამომრჩეველმა არ გაიგო და ვერ გაიგო. საზოგადოებამ ნაცვლად იმისა რომ სწორედ შეეფასებინა დასაჯა მთავრობა ამისათვის.“- განაცხადა ბიძინა ივანიშვილმა.
