ყოფილმა პრემიერ-მინისტრმა ბიძინა ივანიშვილმა „ტექნოპარკში“, ტელევიზიის ჟურნალისტებთან შეხვედრაზე განაცხადა, რომ საზოგადოებას ანალიზის გაკეთებაში ეხმარება, რადგან ანალიზი მისი წარმატების საფუძველია.
,,წერილში მე ვახერხებ და ფართოდ აღვწერ ჩემს როლს, მე მინდა ეს როლი კარგად შევასრულო და დავეხმარო ჩვენ საზოგადოებას ანალიზის გაკეთებაში, ანალიზი ჩემი ძირითადი წარმატების საფუძველია და ამიტომ, თავს უფლებას ვაძლევ, რომ ეს გამოვიყენო. სწორედ, ამის საფუძველზე მოვახერხე ბიზნესში წარმატება და პოლიტიკაშიც, უსისხლოდ გავუშვით ისეთი განწყობის მქონე ხელისუფლება, რომელიც ჩვენ გვყავდა და ამას ჭირდებოდა ძალიან კარგი გათვლა და ძალიან კარგი ანალიზი. ვფიქრობ, რომ მე გუნდთან ერთად ეს კარგად მოვახერხე”, - განაცხადა შესავალ სიტყვაში ივანიშვილმა.
