საქართველოს დელეგაციას ვარშავის სამიტზე საქართველოს პრეზდენტი გიორგი მარგველაშვილი უხელმძღვანელებს, - ამის შესახებ უშიშროების საბჭოს მდივანმა, ირინა იმერლიშვილმა განაცხადა. მისი თქმით, აღნიშნული საკითხის განხილვა პრეზიდენტის მიერ მოწვეულ უშიშროების საბჭოს სხდომაზე მოხდება.
იმერლიშვილის ინფორმაციით, სხდომაზე ხურჩაში მომხდარ ფაქტსაც განიხილავენ.
,,ვარშავის სამიტის წინ აუცილებლად იქნება მოწვეული უშიშროების საბჭოს სხდომა, რადგან სწორედ უშიშროების საბჭოს ფორმატია ამ საკითხების განსახილველი ფორმატი. უკვე მიმდინარეობს მზადება ამისთვის. მზადება დაწყებულია სამიტისთვის, მაგრამ კიდევ ერთხელ გავივლით საკითხებს. აუცილებლად იქნება უშიშროების საბჭოს სხდომაზე რეგიონში შექმნილ მდგომარეობაზე მსჯელობა და ასევე იმ ინციდენტზე, რომელიც სულ ცოტა ხნის წინ მოხდა ხურვალეთში. საქართველოს პრეზიდენტი როგორც მოგეხსენებათ იმყოფებოდა სტამბულში, სადაც მსოფლიო ლიდერებს ძალიან მაღლი ტრიბუნიდან მოახსენა ამ ინციდენტის შესახებ“, - განაცხადა ირინა იმერლიშვილმა.
