ევროპარლამენტმა თურქეთისთვის სავიზო რეჟიმის გაუქმების შესახებ საკანონმდბელო ინიციატივაზე მუშაობა შეაჩერა. ამის შესახებ ნათქვამია ევროპარლამენტის სამოქალაქო თავისუფლების, მართლმსაჯულებისა და საშინაო საქმეთა კომიტეტის წევრების მიერ გავრცელებულ განცხადებაში.
გავრცელებული ინფორმაციით, აღნიშნულის მიზეზი ვიზალიბრალიზაციის 72-პუნქტიან სამოქმედო გეგმის ცალკეული პუნქტების შეუსრულებლობაა.
ევროპარლამენტის დეპუტატის ჯუდით სარგენტინის განაცხადებით, თურქეთთან ვიზალიბერალიზაციის განხილვის პროცესი ევროპარლამენტის თავმჯდომარემ მარტინ შულცმა შეაჩერა.
ევროპარლამენტში აცხადებენ, რომ საკითხის განხილვა ანკარას მიერ ყველა კრიტერიუმის დაკმაყოფილებამდე არამართლზომიერი და პოლიტიკურად უპასუხისმგებლო ნაბიჯი იქნება.
თურქეთის ვიზალიბერალიზაციის სამოქმედო გეგმა კორუფციის წინააღმდეგ ბრძოლას, მონაცემთა დაცვას, ევროკავშირის წევრებთან სასამართლო სფეროში თანამშრომლობას, ევროპოლთან თანამშრომლობის გაფართოებას, ანტიტერორისტული კანონმდებლობის შეცვლა ითვალისწინებს. შგახსენებთ, რომ გასულ კვირას თურქეთის პრეზიდენტის რეჯეპ ტაიპ ერდოღანის განაცხადებით, ანკარა სავიზო რეჟიმის გაუქმების სანაცვლოდ, ანტიტერორისტული კანონმდბელობის შეცვლას არ აპირებს.
