ესტონეთის რესპუბლიკაში საქართველოს საელჩოსა და ქართული დიასპორული ორგანიზაცია „ქართული სახლის" მხარდაჭერით, ქ. ტალინში არსებულ ქართული საკვირაო სკოლის ორგანიზებით დედაენის დღისადმი მიძღვნილი ღონისძიება გაიმართა, რომლის ფარგლებშიც ქართველმა მოსწავლეებმა საკუთარი ნამუშევრები წარმოადგინეს.
საგარეო უწყების ინფორმაციით, ღონისძიებაზე დამსწრე საზოგადოებას სიტყვით მიმართა ესტონეთის რესპუბლიკაში საქართველოს საგანგებო და სრულუფლებიანმა ელჩმა თეა ახვლედიანმა, რომელმაც ისაუბრა ქართული დამწერლობის უნიკალურობაზე. ელჩმა საკუთარ გამოსვლაში გაზი გაუსვა ესტონეთში ქართული საკვირაო სკოლის არსებობის მნიშვნელობას, რომელიც საშუალებას აძლევს ესტონეთში მცხოვრებ ქართველებს შეისწავლონ მშობლიური ენა, ისტორია, კულტურა და ტრადიციები.
მონაწილეებს აგრეთვე სიტყვით მიმართეს სკოლის დამაარსებელმა, ქართული დიასპორული ორგანიზაცია „ქართული სახლის" ხელმძღვანელმა და ტარტუს უნივერსიტეტში ქართული ენის პროფესორმა.
