თუ „რესპუბლიკელებს“ ის პრობლემა აქვთ, რომ არჩევნებამდე თანამდებობებზე დიდხანს დარჩნენ, ეს მათი პრობლემაა და არა მთელი პოლიტიკური სპექტრის, -ამის შესახებ პრეზიდენტის პოლიტიკურმა მრჩეველმა, ფიქრია ჩიხრაძემ განცხადა. მისი თქმით, ,,რესპუბლიკელები“ არჩევნების თარიღის გაცხადებას წინა ხელისუფლებისაგან ყოველთვის ითხოვდა.
“რესპუბლიკური პარტია” არჩევნების თარიღის გაცხადებას წინა ხელისუფლებისაგან ყოველთვის ითხოვდა. ეს პარტია კოალიციაში აღარ არის და მათი პოზიცია ცოტა გაუგებარია. თუ ეს კონკრეტული მინისტრების მიერ თანამდებობების დატოვებას უკავშირდება, თანამდებობების დატოვებისთვის, სამართლებრივი მექანიზმი ისევე მუშაობს, როგორც ეს არჩევნების ორი თვით ადრე გამოცხადების შემთხვევაში იმუშავებდა. თუ „რესპუბლიკელებს“ ის პრობლემა აქვთ, რომ არჩევნებში ცალკე გადიან, მაგრამ მაინც უნდათ, რომ თანამდებობებზე დიდხანს დარჩნენ, მაპატიეთ, მაგრამ ეს ამ პარტიის პრობლემაა და მთელი პოლიტიკური სპექტრის პრობლემა ვერ იქნება“,-ანიშნა ფიქრია ჩიხრაძემ გადაცემა 200-ში.
შეგახსენებთ, რომ პრეზიდენტის გადაწყვეტილებით წინასაარჩევნო კამპანია შესაძლოა მაისში დაიწყოს, შესაბამისად ,,რესპუბლიკელ“ მინისტრებს თანამდებობების დატოვება არჩევნებამდე 5 თვით ადრე მოუწევთ. პარტიაში მიიჩნევენ, რომ აუცილებელია ვარშავის სამიტზე საქართველოს თავდაცვის მინისტრის რაგში თინათინ ხიდაშელი წარსდგეს.
