აზერბაიჯანში სტაბილური ვითარებაა, მაგრამ დაძაბულობა კვლავინდებურად არის სომხეთ- აზერბაიჯანის შემხებ ხაზზე. იმის მიუხედავად, რომ ბაქომ საერთაშორისო თანამეგობრობის მოწოდების საფუძველზე, 3 აპრილს ცალმხრივად განაცხადა საბრძოლო მოქმედებების შეწყვეტის შესახებ, სომხეთის მხარემ ამ პერიოდში არა თუ შეაჩერა, არამედ განაგრძობს საბრძოლო მოქმედებებს, - ამის შესახებ „ჯი-ეიჩ-ენს“ „ტრენდის“ მთავარმა რედაქტორმა ელჩინ ჰუსეინმა განუცხადა.
მისი თქმით, სომხეთის შეიარაღებული ძალები, ცეცხლს ხსნიან არა მხოლოდ სამხედრო ობიექტების, არამედ - დასახლებული პუნქტების, მშვიდობიანი მოქალაქეების მიმართულებით.
„დღეს აზერბაიჯანის საგარეო საქმეთა სამინისტრომ გააკეთა განცხადება, თუ სომხეთი არ შეწყვეტს სროლებსა და პროვოკაციას, მაშინ პასუხისმგებლობა შესაძლო კონტრდარტყმასა და აზერბაიჯანის შეიარაღებული ძალების საპასუხო ქმედებებზე მშვიდობიანი მოსახლეობის უსაფრთხოების დასაცავად, რომლებიც კომპაქტურად ცხოვრობენ შეხების ხაზის მიმდებარედ, დაეკისრება სომხეთს“, - განაცხადა ელჩინ ჰუსეინმა და დასძინმა, - „ აზერბაიჯანის თავდაცვის სამინისტროს ინფორმაციით, სოხმეთი აგრძელებს ვითარების დაძაბვას და დაკარგული პოზიციების დასაბრუნებლად მტერი უტევს აგდერე-ტერტარისა და ხოჯავენდ-ფიზულის მიმართულებებს, ინტენსიური ცეცხლის ქვეშ არის დასახლებული პუნქტები“.
მან თავდაცვის სამინისტროზე დაყრდნობით განაცხადა, რომ გასული დღე-ღამის განმავლობაში სომხეთმა მრავალრიცხოვანი ცოცხალი ძალა და სამხედრო ტექნიკა დაკარგა.
„მოსახლეობაში პანიკა და დაძაბულობა არ არის. საბრძოლო სულისკვეთება საკმაოდ ამაღლებულია. მედიასა და სოციალურ ქსელებში აზერბაიჯანის არმიის კონტრშეტევა სრულად მხარდაჭერილია. მიმდინარე საბრძოლო მოქმედებების მიმდებარე დასახლებული პუნქტებიდან მიღებული ინფორმაციებით, მოსახლეობა იმის მიუხედავად, რომ გამუდმებული ცეცხლის ქვეშ იმყოფება, არ აპირებს საცხოვრებელი სახლების დატოვებას. ეს იმის მიუხედავად, რომ ცეცხლს უხსნიან მშვიდობიან მოსახლეობას, მათ სახლებს, მანქანებს შინაურ ცხოველებსაც კი“, - განაცხადა „ჯი-ეიჩ-ენთან“ საუნარში ელჩინ ჰუსეინმა.
მისი განმარტებით, შაბათ ღამე აზერბაიჯანის სასაზღვრო პოზიციების ესროდნენ მსხვილკალიბრიანი იარაღიდან, ყუმბარმტყორცნებიდან და საარტილერიო დანადგარებიდან. ამის გარდა ცეცხლი გაიხსნა დასახლებული პუნქტების მიმართულებითაც. სამოქალაქო პირებს შორის არიან დაღუპულები და დაჭრილები.
„აზერბაიჯანის თავდაცვის სამინიტროს ინფორმაციით, საბრძოლო მოქმედებების დროს განადგურდა მოწინააღმდეგის 6 ტანკი, 15 საარტილერიო დანადგარი, საინჟინრო ნაგებობები, განადგურებულია და დაჭრილია სომხეთის შეიარაღებული ძალების 100-ზე მეტი სამხედრო მოსამსახურე.
აზერბაიჯანის არმიის დანაკარგები 2 აპრილის მონაცემებით არის 12 სამხედრო მოსამსახურე, ჩამოგდებულია ერთი ვერტმფრენი და ნაღმზე დაზიანდა ერთი ტანკი.
გასულ ღამეს სომხური მხარის შეტების შედეგად დაიღუპა კიდევ სამი აზრბაიჯანელი სამხედრო მოსამსახურე“, - განაცხადა ჰუსეინმა.
კონფლიქტი აზერბაიჯანსა და სომხეთს შორის 1988 წელს წარმოიშვა, რისი საფუძველიც გახდა სომხეთის პრეტენზია აზერბაიჯანის ტერიტორიებისადმი. მოგვიანებით აზერბაიჯანმა მთიანი არაბახი და მიმდებარე 7 რაიონი დაკარგა, რაც მისი ტერიტორიის 20%-ს შეადგენს. 1994 წელს მხარეები ცეცხლის შეყვეტაზე შეთანხმდნენ. მას შემდეგ ეუთოს მინიკის ჯგუფის ფარგლებში მიმდინარე მოლაპარაკებებს შედეგი არ მოჰყოლია. გარეოს დოკუმენტებში მთანი ყარაბაღი და მიმდებარე რაიონები მოხსენიებულია, როგორც ოკუპირებული ტერიტორიები.
