"ნაციონალური მოძრაობის" წევრი ნუგზარ წიკლაური აცხადებს, რომ ქორწინების შესახებ საკონსტიტუციო ინიციატივით, "ქართული ოცნება" საკუთარი კრახის და უუნარობის გადაფარვას ცდილობს. მისი თქმით, ეს იგივე - ,,კონსტიტუციაში ჩავწეროთ, რომ კაცმა ბებიას არ უნდა სცემოს“.
"არის თუ არა ამ დარბაზში ვინმე, ვისაც ეჭვი ეპარება, რომ ქორწინება მართლაც ქალისა და მამაკაცის ნებაყოფლობითი, სოციალური ერთობაა?! ამ დარბაზის მიღმა არსებობენ თუ არა ისეთი მოქალაქეები, რომლებიც ამას ეჭვქვეშ აყენებენ?! თვით უმრავლესობის წარმომადგენელმაც კი ბრძანა, რომ 99% და კიდევ მეტი არის გამზიარებელი იმისა, რაზეც ვსაუბრობთ. მაშ, რატომ დადგა საკითხი დღის წესრიგში?! ჩემდა სამწუხაროდ, ამის ერთადერთი მოტივი ძალიან მდაბიო პოლიტიკური მოტივია – მე მაინტერესებს, როგორ დაკნინდა, როგორ დადგა დაცემის გზაზე საქართველოს პარლამენტი, რომ ყველა ჩვენი მოქალაქისათვის ამ სრულიად ცხად საკითხს პოლიტიკური, საზოგადოებრივი აჟიოტაჟის საგნად ხდის", - განაცხადა ნუგზარ წიკლაურმა, რასაც საპარლამენტო უმრავლესობასა და უმცირესობას შორის სიტყვიერი დაპირისპირება მოჰყვა.
საქართველოს პარლამენტში ქორწინების შესახებ საკონსტიტუციო ცვლილებაზე მომუშავე კომისიის შექმნას, არცერთის წინააღმდეგ, მხარი დაუჭირა 81-მა დეპუტატმა.
