საქართველოს სახელმწიფო მინისტრი შერიგებისა და სამოქალაქო თანასწორობის საკითხებში, აცხადებს, რომ გამორიცხულია დეოკუპაციამდე ოკუპირებული ტერიტორიების შესახებ კანონი გაუქმდეს.
,,რუსეთი არაფერ ცვლილებას არ ითხოვს. ისინი ითხოვენ კანონის გაუქმებას, რაც გამორიცხულია. როცა ეს კანონი დაიწერა, თავის დროზე, ჯერ კიდევ ჩვენამდე, იქიდან მოყოლებული, რუსეთიდან საუბარია ყოველთვის მის გაუქმებაზე. ჩვენც რომ მოვედით ხელისუფლებაში, ერთ-ერთი პირველი მესიჯი რუსეთიდან, იმ იმედით, რომ იქნებ ახლა მაინც გადაგვეხედა ჩვენი პოზიციისთვის, ასევე იქიდან წამოვიდა შეტყობინება, რომ კარგი იქნებოდა - გაუქმებულიყო ეს კანონი. ჩვენ ცალსახად და მკაფიოდ, ახლაც გავიმეორებთ და არ შეგვეზარება მომავალშიც - გამორიცხულია, ვიდრე არ აღდგება ტერიტორიული მთლიანობა და არ მოხდება დეოკუპაცია, რომ გაუქმდეს კანონი ოკუპირებული ტერიტორიების შესახებ, გამორიცხულია“, - განაცხადა ზაქარეიშვილმა გრიგორი კარასინის განცხადებასთან დაკავშირებით, რომლის თანახმადაც, ,,კარგი იქნებოდა, თუ კანონს ოკუპაციის შესახებ საერთოდ გააუქმებენ“.
