ფრაქცია „ქართული ოცნება - დემოკრატიული საქართველოს“ თავმჯდომარე გია ვოლსკი აცხადებს, რომ ეუთო-ს საპარლამენტო დელეგაციის თხოვნაა, რუსეთის დელეგაციას საშუალება მიეცეს დაესწროს ეუთო-ს საპარლამენტო სხდომას, რომელიც თბილისში უნდა გაიმართოს. თუმცა, მისი თქმით, შესაძლოა დელეგაციის რომელიმე წევრს დარღვეული აქვს „ოკუპირებული ტერიტორიების შესახებ“ კანონი.
ვოლსკის განცხადებით, აქედან გამომდინარე შესაძლოა კანონში გარკვეული ცვლილებები შევიდეს და დასაშვებად იქნეს მიჩნეული გარკვეული გამონაკლისი
,,შეიძლება, ამ დელეგაციაში იყოს ადამიანი, რომელსაც დარღვეული აქვს კანონი „ოკუპირებული ტერიტორიების შესახებ“ . შესაძლებელია, კანონში გარკვეული ცვლილებები შევიდეს და დასაშვებად იქნეს მიჩნეული გარკვეული გამონაკლისი“, - აღნიშნა ვოლსკიმ.
რუსეთის საგარეო საქმეთა მინისტრის მოადგილემ, გრიგორი კარასინმა ოკუპაციის შესახებ კანონის გაუქმება მოითხოვა, რათა რუსეთის დელეგაციამ თბილისში, ეუთო-ს საპარლამენტო ასამბლეაზე ჩამოსვლა შეძლოს.
