პოეტ მუხრან მაჭავარიანის დამკრძალავ სამთავრობო კომისიას პარლამენტის თავმჯდომარე დავით ბაქრაძე უხელმძღვანელებს.
კომისიის შემადგენლობაში ასევე შედიან ჯანდაცვისა და კულტურის მინისტრები და თბილისის მერი.
პოეტს შაბათს, მთაწმინდის მწერალთა და საზოგადო მოღვაწეთა პანთეონში, ნიკო ნიკოლაძის გვერდით დაკრძალავენ. სამოქალაქო პანაშვიდი პარასკევს, 21 მაისს გაიმართება.
მუხრან მაჭავარიანი 81 წლის ასაკში, 17 მაისს, პოეტ ფრიდონ ხალვაშის 85-წლის იუბილისადმი მიძღვნილ საღამოზე გარდაიცვალა.
