,,ნაციონალური მოძრაობაში“ აცხადებენ, რომ გარდაბანშიც და საგარეჯოშიც არჩევნების ფალსიფიცირება მოხდა. დეპუტატი ნუგზარ წიკლაური ამბობს, რომ უნდა მოხდეს დაწერილი საჩივრების შესწავლა და მათზე რეაგირება.
წიკლაური მიესალმება ,,საერთაშორისო გამჭვირვალობა საქართველოს“ განცხადებას, რომელიც პროკურატურას გოგი თოფაძის განცხადების საფუძველზე გამართული არჩევნების საკითხით დაინტერესებისკენ მოუწოდებს.
"როგორც გარდაბანში, ასევე საგარეჯოში არჩევნები ფალსიფიცირებულია. გარდაბანში 6-ზე მეტი საჩივარი დავწერეთ. ახლა თვით ,,ქართული ოცნების“ ლიდერებმა თქვეს, რომ არჩევნები გააყალბეს. ეს განსაკუთრებით მნიშვნელოვანია არჩევნების წინ, რომ იქაც არ მოხდეს მსგავსი დარღვევები,"- განაცხადა წიკლაურმა.
