სირიის ქალაქ დეირ-ეზ-ზორში ჰუმანიტარული ტვირთის ჩაგდების მცდელობა წარუმატებლად დასრულდა. გაეროს მიერ თვითმფრინავიდან ჩაგდებული 21 ყუთიდან, რომელშიც ჰუმანიტარული პროდუქტი იყო, 4 დაზიანდა, 7 დავარდა არაკონტროლირებად ტერიტორიაზე, ხოლო 10 ყუთის ბედი ამ დრომდე უცნობია.
,,ბიბისი“ ,,როიტერზე“ დაყრდნობით წერს, რომ ზოგ შემთხვევაში პარაშუტი არ გაიხსნა და მიწაზე დაშვებისას ჰუმანიტარული ტვირთები განადგურდა.
ამჟამად გაეროში მსჯელობენ ჰუმანიტარული ტვირთის მიწოდების ლოჯისტიკაზე. თუმცა, ორგანიზაცია კიდევ ერთხელ შეეცდება ტვირთი ქალაქში ჩააგდოს.
ქალაქის უმეტეს ნაწილს ”ისლამური სახელმწიფოს” მებრძოლები აკონტროლებენ. გაეროს მონაცემებით, 200 ათასამდე მცხოვრები სურსათის მწვავე დეფიციტს განიცდის და შიმშილის პირას იმყოფება. გაეროს ჰუმანიტარული სააგენტოს ხელმძღვანელიმა სტივენ ობრაიენმა მანამდე განაცხადა, რომ ქალაქის იმ ნაწილში, რომელიც სირიის სამთავრობო არმიის მიერ კონტროლდება, 21 ტონა პირველადი საჭიროების ნივთები თვითმფრინავიდან ჩაყარეს. მან იმედი გამოთქვა, რომ ტვირთმა დანიშნულების ადგილამდე მიაღწია. ამის შესახებ ობრაიენს სირიის წითელი ნახევარმთვარის წარმომადგენლებმაც დაუდასტურეს.
