არასამთავრობო ორგანიზაციები მიიჩნევენ, რომ მამუკა ახვლედიანის გათავისუფლება თბილისის საქალაქო სასამართლოს თავმჯდომარეობიდან კანონის უხეში დარღვევიოთ მოხდა. "სამართლიანი არჩევნების" წარმომადგენელი ნინო ლომჯარია აცხადებს, რომ ახვლედიანი მისი განცხადებების გამო გაათავისუფლეს, რითაც მოხდა მოსამართლის დამოუკიდებლობის უგულებელყოფა.
"მიგვაჩნია, რომ მამუკა ახვლედიანის გათავისუფლების გადაწყვეტილება კანონის უხეში დარღვევით იქნა მიღებული. ძალიან რთული იქნება მისი გასაჩივრებაც, რადგან მოსამართლის გათავისუფლება ხდება დისციპლინური წესით, რასაც ახლავს თავისი პროცედურები. მოსაფიქრებელია გასაჩივრების მექანიზმები და ჩვენ ჩავერთვებით ამ კონსულტაციებში", - განაცხადა ნინო ლომჯარიამ.
მამუკა ახვლედიანი არასამთავრობო ორგანიზაციის წარმომადგენლებს დღეს შეხვდა.
