,,ვიკილიქსი“ ახალ სკანდალურ მასალებს აქვეყნებს, რომლის თანახმად, აშშ-ის ეროვნული უსაფრთხოების სააგენტო მსოფლიო ლიდერთა სატელეფონო საუბრებს უსმენდა.
პორტალი ირწმუნება, რომ სააგენტოს სამიზნე გერმანიის კანცლერი ანგელა მერკელი, გაერო-ს გენერალური მდივანი ბან კი მუნი, ისრაელის პრემიერ-მინისტრი ბენიამინ ნეთანიაჰუ, იტალიის ექს-პრემიერი სილვიო ბერლუსკონი და საფრანგეთის ყოფილი პრეზიდენტი ნიკოლა სარკოზი იყვნენ.
ვიკილიქსის ინფორმაციით, ისრაელის პრემიერი სილვიო ბერლუსკონის აშშ-ის პრეზიდენტ ბარაქ ობამასთან კონტაქტის დამყარებაში დახმარებას სთხოვდა, ნიკოლა სარკოზი და სილვიო ბერლუსკონი კი იტალიის ეკონომიკის ცუდ მდგომარეობაზე მსჯელობდნენ.
