ფრაქცია ,,თავისუფალი დემოკრატების“ თავმჯდომარე ირაკლი ჩიქოვანი მიიჩნევს, რომ სასამართლო სისტემაში გავლენებს ინარჩუნებენ ის მოსამართლეები, რომლებმაც წინა ხელისუფლების დროს სისტემა პოლიტიკურ იარაღად აქციეს. ამის შესახებ მან თბილისის საქალაქო სასამართლოს თავმჯდომარის თანამდებობიდან მამუკა ახვლედიანის გათავისუფლებაზე საუბრისას განაცხადა.
„როგორც ვხედავთ, სამწუხაროდ, გავლენას ინარჩუნებს ის მოსამართლეთა კორპუსი, რომლებიც ყველაფერს აკეთებდა იმისათვის, რომ სასამართლო ყოფილიყო პოლიტიკური იარაღი. სასამართლოში, სადაც ჩვენ ვიღებთ მურუსიძეებს და არ ვიღებთ ადეკვატური სამართლიანობის შეგრძნებას, ეს არის პრობლემა ჩვენი ქვეყნისთვის,“ - აცხადებს ირაკლი ჩიქოვანი.
იუსტიციის უმაღლესმა საბჭომ თბილისის საქალაქო სასამართლოს თავმჯდომარე მამუკა ახვლედიანი თანამდებობიდან დღეს გაათავისუფლა. ამ გადაწყვეტილებას საბჭოს პრეზიდენტის კვოტით არჩეული ვახტანგ მჭედლიშვილის გარდა ყველამ დაუჭირა მხარი. თბილისის საქალაქო სასამართლოს თავმჯდომარის მოვალეობის შემსრულებლად გიორგი ებანოიძე დაინიშნა.
