SDC-ისა და British Council-ის მხარდაჭერით გამარჯვებული სკოლის მოსწავლეები 19-21 მაისს მონაწილეობას მიიღებენ 3 დღიან ექსკურსიაში თბილისში, რომლის დროსაც მოინახულებენ თბილისის ბოტანიკურ ბაღს, გეოგრაფიისა და გეოლოგიის ინსტიტუტების მუზეუმებს ასევე დაჯილდოვდებიან სამახსოვრო პრიზებით და შეხვდებიან სხვადასხვა დარგის ექპერტებს, რომლებიც მათთვის CENN ბულაჩაურის ტრენინგ ცენტრში ლექცია-სემინარებს ჩაატარებენ.
2009 წლის დეკემბერში შვეიცარიის განვითარებისა და თანამშრომლობის სააგენტოს SDC-ის პროექტის "ბუნებრივი კატასტროფების რისკების შემცირება ცაგერისა და ლენტეხის მუნიციპალიტეტებში" ფარგლებში ცაგერის და ლენტეხის მუნიციპალიტეტის სკოლებში CENN-მა ჩაატარა ღია გაკვეთილები ბუნებრივ კატასტროფების რისკის შემცირების და კლიმატის ცვლილების შესახებ, ამ პროცესში CENN-ს მნიშვნელოვანი დახმარება გაუწია British Council-მა, რომელმაც მოსწავლეებისთვის გადასაცემად გამოყო წიგნები გარემოსდაცვით თემაზე, ასევე მათი მხარდაჭერით ნაჩვენები იქნა ფილმი "თჰე Aგე ოფ შტუპიდ" რომელიც შექმნილი არის კლიმატის ცვლილების და გლობალური დათბობის პრობლემების თემატიკაზე.
გაკვეთილებზე მოსწავლეებს მიეცათ საკონკურსო დავალება, რომელიც მიზნად ისახავდა გამოევლინა მათი ცოდნა და დამოკიდებულება ეკოლოგიის და ბუნებრივი კატასტროფების თემატიკაზე.
