ენერგეტიკის მინისტრი კახა კალაძე აცხადებს, რომ „რესპუბლიკურ პარტიასა“ და „მრეწველებს“ შორის დაპირისპირების განხილვა პოლიტსაბჭოს ფორმატში უნდა მოხდეს. მისი შეფასებით, ,,ძალიან ცუდია, როცა ეს თემა სააშკარაოდ გამოდის“ .
ვიცე-პრემიერი იმედოვნებს, რომ საკითხზე პოლიტსაბჭო უახლოეს დღეებში შეიკრიბება.
„რაც შეეხება ზოგადად, „რესპუბლიკელებსა“ და „მრეწველებს“ შორის არსებულ დაპირისპირებას, რა თქმა უნდა, ძალიან ცუდია, როცა ეს თემა სააშკარაოდ გამოდის. მიმაჩნია, რომ ეს თემა უნდა დალაგდეს, გადაწყდეს თვითონ გუნდში, პოლიტსაბჭოზე უნდა მოხდეს ამის განხილვა. უახლოეს დღეებში, ალბათ, პოლიტსაბჭო შეიკრიბება და ამ მიმართულებითაც გვექნება მსჯელობა“, - განაცხადა კახა კალაძემ.
რესპუბლიკურმა პარტიამ დღეს განცხადება გაავრცელა და განაცხადა, რომ კოალიციაში არსებულ დაპირისპირებაზე საჯარო დებატებს ამ ეტაპზე წყვეტს.
