აშშ-ის სენატორმა ჯონ მაკკეინმა მწვავედ გააკრიტიკა სირიაში ცეცხლის შეწყვეტის თაობაზე შეთანხმება. მისი თქმით, ესაა რუსეთის „სამხედრო აგრესიის სამსახურში მდგარი დიპლომატია“.მაკკეინმა ეს განცხადება მიუნხენის საერთაშორისო კონფერენციის დასკვნით დღეს გააკეთა.
ე.წ. სირიის მხარდამჭერთა საერთაშორისო ჯგუფმა 12 თებერვალს მიაღწია შეთანხმებას ცეცხლის დროებით შეწყვეტის შესახებ, რათა მხარეებმა მოლაპარაკეების გამართვა შეძლონ.
„ვისურვებდი, რომ ზოგიერთი ჩემი მეგობრის პოზიციას ვიზიარებდე, რომელთა აზრით, ეს შეთანხმება პოტენციური გარღვევაა. მაგრამ, სამწუხაროდ, ამას ვერ ვაკეთებ“, - განაცხადა რესპუბლიკელმა მაკკეინმა.
