სირიის კონფლიქტის საკითხებზე მიუნხენში გამართულ მოლაპარაკებებზე სამხედრო მოქმედებების შეწყვეტაზე შეთანხმდნენ, თუმცა ეს "ისლამურ სახელმწიფოს" არ შეეხება. ,,ბიბისის“ ინფორმაციით, აშშ-ის სახელმწიფო მდივნმა ჯონ კერიმ ხაზი გაუსვა, რომ ცეცხლის შეწყვეტა, "ისლამური სახელმწიფოს" გარდა, არ შეეხება "ალ-ნუსრას" და სხვა ტერორისტულ დაჯგუფებებს.
რუსეთის საგარეო საქმეთა მინისტრმა სერგეი ლავროვმა, თავის მხრივ, გამოთქვა აზრი, რომ სახმელეთო ოპერაციის გაგრძელება სირიაში "ისლამური სახელმწიფოს" წინააღმდეგ მხოლოდ ამწვავებს კონფლიქტს.
საგარეო საქმეთა მინისტრები ასევე აუცილებელი ჰუმანიტარული დახმარების მიწოდების გაზრდისა და დაჩქარების შესახებ შეთანხმდნენ.
,,ვალდებულებები დაფიქსირებულია ქაღალდზე, თუმცა მთავარი ტესტი იქნება მათი განხორციელება მხარეების მიერ“, - დასძინა ჯონ ქერიმ.
