რუსეთის ინტერპოლი ცდილობს ხადარკოვსკიზე საერთაშორისო ძებნა გამოცხადდეს. ,,ბიბისი“ რუსულ სააგენტოებზე დაყრდნობით წერს, რომ ,,იუკოსის“ ყოფილ ხელმზღვანელზე რუსეთმა, ნეფტეიუგანსკის მერის ვლადიმერ პეტუხოვის მკვლელობის ბრალდებით, საერთაშორისო ძებნა გამოაცხადა.
"რუსეთში ინტერპოლის ეროვნულმა ბიურომ, რუსეთის გენერალური პროკურატურისა და საგამოძიებო კომიტეტისგან მიღებული მასალების საფუძველზე, ხოდორკოვსკიზე საერთაშორისო ძებნა გამოაცხადა. შესაბამისი გადაწყვეტილება გაგზავნილია ინტერპოლის ცენტრალურ ბიუროში ლიონში", - აცხადებს წყაროზე დაყრდნობით ,,ინტერფაქსი”.
რუსეთის ფედერაციის მიერ ინტერპოლით ძებნილთა ბაზაში ხადარკოვსკის გვარი ამ ეტაპზე არ ფიქსირდება.
