ერდოგანი ვაშინგტონს აკრიტიკებს. თურქეთის პრეზიდენტის თქმით, შეერთებული შტატების პოზიცია სირიის ქურთულ პარტიასთან დაკავშირებით შემაშფოთებელია. “ჩვენ ვეუბნებით ამერიკელებს, რომ ეს ტერორისტული დაჯგუფებაა, ისინი კი გვპასუხობენ, რომ ქურთებს ტერორისტებად არ თვლიან. სწორედ მათი პოზიციის გამო იღვრება რეგიონში სისხლი,”-აღნიშნა ერდოგანმა. 2 დღის წინ სახელმწიფო დეპარტამენტის პრეს-მდივანმა ჯონ კირბიმ ღიად განაცხადა, რომ ქურთულ პარტიას ტერორისტულ ორგანიზაციად არ თვლის, რის გამოც ამერიკის ელჩი განმარტებებისთვის თურქეთის საგარეო უწყებაში დაიბარეს.
