საკონსტიტუციო სასამართლოს თავმჯდომარე გიორგი პაპუაშვილი ერთნაირსქესიანთა ქორწინებასთან დაკავშირებით საკონსტიტუციო სარჩელს ჯერ არ გასცნობია. მისი თქმით, საკითხი რიგითობის მიხედვით გადაწყდება.
"სარჩელი ჯერ მხოლოდ კანცელარიაში დარეგისტრირდა და შემდგომ რიგითობის მიხედვით დაიწყება განხილვა. პირველ რიგში, უნდა გადაწყდეს, რამდენად ჩვენი იურისდიქციაა ამ სარჩელზე. საუბარია ერთი და იგივე სქესის წარმომადგენლების ქორწინებაზე. შინაარსს ჯერ არ ვიცნობთ და როცა გავეცნობით შესაბამისი პროცედურების მიხედვით გადაწყდება რამდენად მისაღებია სარჩელი საერთოდ განსახილველად", - აღნიშნა გიორგი პაპუაშვილმა.
შეგახსენებთ, მოსარჩელე გიორგი ტატიშვილი ითხოვს, საკონსტიტუციო სასამართლომ ძალადაკარგულად სცნოს სამოქალაქო კოდექსის ის ნორმა, რომლითაც განმარტებულია, რომ "ქორწინება ქალისა და მამაკაცის ერთობაა". იგი მიიჩნევს, რომ აღნიშნული ჩანაწერით ლგბტ პირების უფლებები ირღვევა.
