ირანის პრეზიდენტი ჰასან რუჰანი მიესალმა ორმხრივი ურთიერთობის გარღმავების მზადყოფნას თეირანსა და თბილისს შორის, - ამის შესახებ სააგენტო "მეჰრის" ინფორმაციით, პრეზიდენტმა საქართველოს პრემიერ-მინისტრ გიორგი კვირიკაშვილთან სატელეფონო საუბარში განაცხადა. მისივე თქმით, საქართველოს შეუძლია შეასრულოს მნიშვნელოვანი როლი ირანისა და შავი ზღვის რეგიონის ქვეყნებს შორის ვაჭრობის საკითხში.
"ეკონომიკური და კულტურული თანამშრომლობა ირანსა და საქართველოს შორის უნდა გაძლიერდეს, როგორც არასდროს" , - აღნიშნა რუჰანიმ.
ირანული მედიის ცნობით, საქართველოს პრემიერ-მინისტრმა ირანის პრეზიდენტი საქართველოში მიიწვია.
